خۆپاراستن

ئەگەر پێگیریێ بڤان رێنماییێن ل خوارێ ئاماژە پێ هاتیەدان بکەی، دێ هێیە پاراستن ل ژمارەکا زۆر یا نەخۆشیێن ڤەگر.

4A Haende Waschen

باشترین و ساناههیترین رێک کو خۆ ژ نەخۆشییێن ڤەگر بپارێزی ئەوە دەستێن خۆ بباشی و بەردەوامی ب سابونێ بشۆی. بكێمیڤە، پێدڤیە هەرگاڤا ل دەستاڤێ دەرکەفتی و بەری نان خوارنێ دەستێت خۆ بشۆی.

1D Haende

زوو زوو سەرێ خۆ بشۆ و رۆژێ سێ جارا ددانێت خۆ بشۆ.

پاقژ راگرتنا لەشی دێ تە ل نەخۆشییان پارێزیت. ئەگەر ددانێت تە ئێشان پەیوەندییێ ب بنگەهێ ساخلەمیێ مێدیک-هێڵپ بکە.

4D Impfung

ڤاکسین دانان دشێت تە ل گەکەک نەخۆشیان بپارێزیت. مرۆڤ چەند پتر ڤاکسینان وەربگریت، کێمتر نەخۆش دبیت.

لایەنێن پەیوەندیدارێن سویسڕا یێن تایبەت ب تەندروستیێ پێشنیار دکەن کو ڤاکسین بهێنە دانان بۆ خۆ پاراستنێ ژڤان نەخۆشیێن ل خوارێ:

خوری سۆرک

سوریکە و میرکوتە

دیفتێریا و کوخکە رەش و هەوکرنا کۆئەندامێ هەناسێ

ئیفلیجبوونا زارۆکان

Icon_Medic_Help.png

بۆ وەرگرتنا شیرەتان لدۆر چەوانییا ڤاکسیندانێ سەرەدانا بنگەهێ ساخلەمیێ مێدیک-هێڵپ بکە.

4E Geschlechtsverkehr

ژبلی ئایدزێ، گەلەک نەخۆشیێن دییێن هەین بڕێکا ئەنجامدانا پەیوەندییا سێکسی دهێتە ڤەگوهاستن. باشترین رێک بۆ خۆپاراستنێ ل ڤان نەخۆشییان بکارئینانا کۆندۆمانە لدەمێ ئەنجامدانا پەیوەندییا سێکسی. هەروەسا کۆندۆمێن تایبەت بۆ ئافرەتا ژی هەنە.

کۆندۆم ل بنگەهێ وەرگرتنێ و هاروکاریێ دهێنە دابەشکرن و دشێت ل دەرمانخانە و بەهرا پتر یا سوپەرمارکێتان بهێنە کڕین.

4F Drogenkonsum

ئەگەر لدمێ کوتانێ سرنجێن بکارهاتی و پیس تو بکاربینی، چێدبیت برێیا ڤەگوهاستنا نەخۆشیێ بۆ ناڤ خوینێ توشی نەخۆشیێ ببی. لبەر ڤێ چەندێ ژی، هەردەم سرنجێت پاقژ و نوی بکاربینە.

2C Schwangerschaft

ئەگەر تو یا ب دووگیان بی، سەرەدانا بنگەهێ ساخلەمیێ مێدیک-هێڵپ بکە. شارەزایێن بنگەهی دێ پێزانینان دەنە تە کانێ دێ چەوا ساخلەمییا خۆ و زارۆکێ خۆ پارێزی هەروەسا دێ بۆ تە ژڤانەکی دگەل دکتۆرەکێ پسپۆڕ دبوارێ ئافرەتاندا رێکئێخن.

1B Wo Medizinische Hilfe

زوو زووە زارۆکێن خۆ ببە بنگەهێ ساخلەمیێ مێدیک-هێڵپ و نیشا دکتۆران بدە. هەروەسا مێدیک-هێڵپ دشێت زانیاریان بدەتە تە لدۆر تەندروستی و شیرخوارن و خۆراکێ زارۆکێ تە. بڤی رەنگی، زارۆکێن تە دێ د ساخلەم بن و گەشێ کەن.