የህክምና እንክብካቤ በስዊዘርላንድ
በስዊዘርላንድ ውስጥ ያለ ማንኛውም ሰው የህክምና እንክብካቤ የማግኘት መብት አለው፡፡ ለማንኛውም አይነት የበሽታ ምልክት በጥገኝነት መጠየቂያ ማእከሉ ውስጥ ወደሚገኘው ሜዲክ-ኸልፕ በቅድሚያ ይሂዱ፡፡
በመጀመሪያ ወደ አጠቃላይ ባለሙያው ይሂዱ፡፡
ስዊዘርላንድ ውስጥ የጤና ባለሞያው በህመም ወይም በአደጋ ግዜ በመጀመሪያ የሚያገኙት አካል ነው፡፡ ህክምና ያደርጉሎታል እንዲሁም እንደ አስፈላጊነቱ ወደ ሆስፒታል ወይም ወደ ሌላ ልዩ ባለሙያ ይልኮታል፡፡
አጠቃላይ ባለሙያው በሽተኛውን እና ከዚህ ቀደም የነበረውን የህክምና ታሪክ ካወቀ የተሻለ ህክምና ሊሰጣቸው ይችላል፡፡ ስለዚህ ሁልግዜም ወደ አጠቃላይ ባለሙያው መጀመሪያ ይሂዱ፡፡
