Li vir em we agahdar dikin li ser nîşanên nexweşiyên vegir ên herî girîng. Girîng e ku hûn van nexweşiyan bi lez bidin dermankirin. Bi vî rengî hûn ê tenduristiya xwe biparêzin û pêşiyê lê bigirin ku mirovên din bi nexweşiya we bikevin.
Gazin
Heger gazinên we hebin yan jî xwe ne baş hîs bikin, biçin cem Medic-Helpê.
Kuxik dikare nîşana gelek nexweşiyên cuda be. Pirraniya caranê ev tenê sermaxwarin e. Carinan ev nîşana nexweşiyeke vegir e.
Heger hûn pirrî xurt û demeke dirêj mecbûr bin bikuxin yan jî hûn bi kuxikê re belxemê biavêjinê herin cem Medic-Helpê.
Kuxik nîşaneke gelek nexweşiyên cuda ye. Di nava gelekên din de, ew dikare nîşana van nexweşiyên li jêr be:
Dema ku germahiya bedenê ji rewşa normal zêdetir be, hingê mirov behsa tagirtinê dike. Ew dikare nîşaneke nexweşiyeke vegir be.
Heger hûn ta digirin, biçin cem Medic-Helpê.
Heger zaroka we ta bigire, bi lez tevbigerin û biçin cem Medic-Helpê.
Têra xwe avê yan jî çayê hêdî hêdî vexwin û nehêlin ku bedena we biweste.
Tagirtin nîşaneke gelek nexweşiyên cuda ye. Di nava gelekên din de, ew dikare nîşana van nexweşiyên li jêr be:
Di şevên germ ên havînî de normal e ku mirov gelekî xwê bide. Bi heman rengî, heger odeya xewê jî zêde bê germkirin. Lê belê heger bi şev di germahiya normal a odeyê de jî zêde xwê bidin, dibe ku ev nîşana nexweşiyeke vegir be.
Heger bi ser xwêdana bi şevê de hûn ta bigirin û kîloyan li xwe kêm bikin an zeîf bibin, hingê biçin Medic-Helpê.
Xwêdana bi şevê nîşaneke gelek nexweşiyên cuda ye. Di nava gelekên din de, ew dikare nîşana van nexweşiyên li jêr be:
Dema laşê we sor bibe, gelek caran lekeyên sor û pelqaz li ser çerm çêdibin, çerm hingê gelekî zuwa û pelpelî ye yan jî zêde dixure. Ev dikare nîşaneke nexweşiyeke vegir be.
Heger çermê we sor bûbe yan jî xurê girtibe we, biçin cem Medic-Helpê.
Birrîn, biserve hatina çermî, yan jî êş û janên mîna derzî têçûnê dikarin çermî birîndar bikin û rê li ber birînên vekirî vekin. Nexasim jî divê mirov baldar be ji bo birînên zehmet yan jî xirab rehet dibin.
Heger birînên we yên vekirî yên li ser çermî hebin, biçin cem Medic-Helpê.
Birînên vekirî yên çermî pirraniya caran encama birîndariyan in. Heger ev birîn zehmet rehet dibin, hingê ev dikare nîşanek be ji bo:
Dema ku hûn rojê bêhtir ji sê caran biçin tuwaletê ji bo avdesta mezin yan jî dema avdesta we ya mezin ron be, hingê mirov behsa zikçûyînê dike. Ev dikare nîşaneke nexweşiyeke vegir be.
Heger zikê we diçe, biçin cem Medic-Helpê.
Têra xwe avê yan jî çayê hêdî hêdî vexwin.
Bi rêkûpêk destên xwe bi sabûnê bişon da ku hûn kesên din bi nexweşiyê nexin.
Zikçûyîn nîşaneke gelek nexweşiyên cuda ye. Di nava gelekên din de, ew dikare nîşana van nexweşiyên li jêr be:
Verîşan dikare nîşana gelek nexweşiyên cuda be. Verîşan dikare her wiha nîşaneke nexweşiyeke vegir be.
Heger hûn verîşin, biçin cem Medic-Helpê.
Têra xwe avê yan jî çayê hêdî hêdî vexwin.
Bi rêkûpêk destên xwe bi sabûnê bişon da ku kesên din ji we nexweş nekevin.
Verîşan nîşaneke gelek nexweşiyên cuda ye. Di nava gelekên din de, ew dikare nîşana van nexweşiyên li jêr be:
Heger hûn gelek şevan li ser hev ne xweş rakevin yan jî tirsên we yên bê sedem hebin, ev dikare nîşana nexweşiyeke derûnî û psîkolojîk be. Weke êşên bêyî sedemên karibin werin naskirin.
Heger hûn ne baş radikevin yan jî êşên we yên nayên ravekirin hebin, biçin cem Medic-Helpê.
Zehmetiyên bixewveçûnê, tirsên bê sedem yan jî êşên nayên ravekirin nîşanên gelek nexweşiyên cuda ne. Di nava gelekên din de, ew dikare nîşana van nexweşiyên li jêr be:
Li ser vê malperê hûn ê beriya her tiştî agahiyên li ser nîşanên nexweşiyên vegir ên herî girîng peyde bikin.
Helbet gelek gazinên din jî hene. Dema ku hûn xwe nexweş hîs bikin, yan jî pirsên we elaqedarî tenduristiyê hebin, biçin cem Medic-Helpê.
