Toppatoo wergi-yaram ci Suisse

Kepp ku nekk Suisse am ŋa sañ-sañ si ñu tappatoo sa wergi-yaram. Si sàntar bu asil bi, demal Medic-Help si lu njëk so amee firnde biy joxe feebar.

Njëkal a dem si dóktoor matale bi

Si Suisse sa dóktoor matale molay njëkka saytu so amee feebar walla laksidaŋ. Nañu la toppatoo te su ko jaree nañu la tektal ab lopitaal walla ab fajkat bu xarañ.  

Dóktoor matale bi su xame ki feebar ki ak li si ginaaw feebar gi ci wallu wergi-yaram am dina ko mën a toppatoo bu baax. Kon deel dem saa su ne ci sa dóktoor matale bi. 

Icon_Medic_Help.png

Sa yaram su neexul bul njëka dem lopitaal waye njëkal a dem si sa dóktoor matale bi.

Icon_Medic_Help.png

Su lu taxaw tembe amee si lu jëm ci sa wergi-yaram walla si wallu juur-dóom, demal lopitaal. 

Toppatoo sa wergi-yaram ci sàntar daw-lakku bi

So bindoo ŋir am asil (këyit N), So soxla ku la aar (S) walla ñu nangu ŋa tóog si góx bi si ab diir bu gàtt (F), njiitu góx bi dina la toppatool ab asiraas bi jëm si sa wallu wergi-yaram. So amee residaas (këyit B walla C), yaw yaay toppatool sa bopp asiraas bi jëm si sa wallu wergi-yaram. Am asiraas bi lu war la.

Dóktoor yepp ak kepp ku xarañ si faj daa war a samm sutura. Waruñu jóx kenn xibaar si sa wallu wergi-yaram. Soo nangoo rek lañu ko mën a def.   

Datenschutzerklärung