چاڤدێرییا ساخلەمیێ ل سویسڕا

هەر کەسەکێ ل سویسڕا بژیت، مافێ هەی چاڤدێریا ساخلەمیێ بۆ بهێتە دابینکرن. لدەمێ دەرکەفتنا نیشانێن هەر نەخۆشییەکێ، ئێکەم جار سەرەدانا بنگەهێ ساخلەمییێ مێدیک-هێڵپ ل ناڤەندا پەنابەران بکە.

ئێکەم جار سەرەدانێ نۆژدارێ خۆیێ گشتی بکە

ل سویسڕا، نۆژدارێ تەیێ گشتی ئەو نۆژدارە کو لدەمێ هەر رویدانەکێ یان نەخۆشیەکێ، تو ئێکەم جار سەرەدانا وی دکەی. نۆژدارێ تەیێ گشتی یان دێ چارەسەریا تەکەت یان ژی تە فڕێکەتە نەخۆشخانێ یان دەف دکتۆرەکێ تایبەت.

ئەگەر نۆژدارێ گشتی بارێ تەندروستییا نەخۆشێ خۆ بزانیت و ئەگەهـ ژێ هەبوویبیت بەری نۆکە چ نەخۆشی لێبوویە، دێ شێت باشتر چارەسەریێ بۆ کەت. لبەر هندێ هەرگاڤا توشی نەخۆشییەکێ بووی، ئێکەم جار سەرەدانا نۆژدارێ خۆیێ گشتی بکە.

Icon_Medic_Help.png

ئەگەر تە هەست بنەخۆشییێ کر، نەچە نەخۆشخانێ، بەلکو ئێکەم جار سەرەدانا نۆژدارێ خۆ یێ گشتی بکە.

Icon_Medic_Help.png

ئەگەر تووشی حالەتەکێ تەنگاڤ و مەترسیدار بووی یان ژی دەمێ زارۆکێ تە پەیدا دبیت ئێکسەر هەڕە نەخۆشخانێ.

چاڤدێرییا ساخلەمیێ ل بنگەهێن پەنابەران

ئەگەر تە داخازا مافێ پەنابەرینییێ (N) کربیت، یان پێدڤی ب پاراستنێ (P) هەبیت یان ژی ب رەنگەکێ دەمکی (F)هاتبیە وەرگرتن، هنگی کارگێرییا ئەو دەڤەرا تو لێ دێ رابیت ب دابینکرنا بیمە یا تەندروستییێ بۆ تە. ئەگەر تە مۆلەتا ئاکنجیبونێ (جۆری B یان C ) وەرگرتبیت، تو بەرپرسیاری ل دابینکرنا بیمە یا تەندروستیا خۆ.

دکتۆر و نۆژدار و پسپۆرێن ساخلەمیێ دبەرپرسن ل پاراستنا نهێنیێن کەسێن نەخۆش. رێک ب وان ناهێتە دان زانیاریێن تە بۆ کەسەکێ دی ئاشکەرا کەن ئەگەر تویێ رازی نەبی.

Datenschutzerklärung